कुन्दन गजल

दर्दसँ भरल गजल छी हम शोकसँ सजल महल छी हम सुख केर आशमे बैसल दुखमे खिलल कमल छी हम भितरी उदास रहितो बस बाहरसँ बनि हजल छी हम जिनगी कऽ बाटपर सदिखन सहि चोट नित चलल छी हम कुन्दन सुना रहल अछि ई संघर्षमे अटल छी हम मात्रा क्रम : 2212-1222 © कुन्दन कुमार कर्ण

बात मोनक अहांसँ कहि रहल छी हम दर्द जे देलौं से सहि रहल छी हम हँसैत रहै छी हियापर राखि पत्थर विरहक संग असगर रहि रहल छी हम

धधरा नेहक हियामें धधकैत रहि गेलै बनि शोणित नोर आँखिसँ टपकैत रहि गेलै सपना छल प्रेम करितै केओ अपन जानिक सोचिक ई मोन सदिखन बहकैत रहि गेलै बेगरता बुझि सकल केओ नै जरल मोनक धरकन दिन राति जोरसँ धरकैत रहि गेलै ऐबे करतै सजिक मोनक मीत जिनगीमें सभ दिन ई आँखि खन–खन फरकैत रहि गेलै दाबिक सभ बात मोनक कुन्दन जबरदस्ती जगमें बनि फूल तखनो गमकैत रहि गेलै मात्राक्रम : 2222-122-221-222 © कुन्दन कुमार कर्ण

जिनगी एक वरदान छी दैवक देलहा दान छी राखू सोच मोनक सही जिनगी पैघ सम्मान छी कर्मक बाटपर नित चलू कर्में पूर्ण पहचान छी बुझि संघर्ष जियबै जखन जिनगी शान अभिमान छी कुन्दन बुझि चलल बात ई जिनगी दू दिनक चान छी 2221+2212 बहरे – मुक्तजिब © कुन्दन कुमार कर्ण www.facebook.com/kundan.karna

Keep smile on your lip dear Doing love not cheap dear I want to be your dream Think about in deep dear If you give me your hand You will never slip dear This is real voice of heart Don't treat as gossip dear 'Kundan' is your lucky boy You got good friendship dear Hexameter (each line contains 6 syllables) By : © Kundan Kumar Karna

नेताक भेषमें सभ कामचोर छैक तामससँ लोक देशक तेँ अघोर छैक चुल्हा गरीबके दिन राति छैक बन्द जे छैक भ्रष्ट घर ओकर इजोर छैक ककरा करत भरोसा आम लोक आब निच्चा अकान उप्पर घूसखोर छैक चाही विकास चाही नै विनाश आब जनताक ठोरपर मचिगेल शोर छैक आलोचना करत 'कुन्दन' कतेक आर जे चोर ओकरे मुँह एत जोर छैक मात्राक्रम :  221-212-221-2121 © कुन्दन कुमार कर्ण © www.facebook.com/kundan.karna